ಪ್ರೀತಿ ಹುಡುಗಿ

ಸೂರ್ಯನ ಬೆಳಕಿನಲ್ಲಿ ನಾ ಕಂಡ ಚೆಲುವೆ ನೀನು 

ಅಂದೇ ನಿರ್ಧರಿಸಿದೆ ನೀನೆಂದು ನನ್ನವಳೆಂದು 

ಕೇಳೆ ಹುಡುಗಿ, ನನ್ನ ಪ್ರೀತಿ ನಿನಗಾಗಿಯೇ ಎಂದಿಗೂ ಎಂದೆಂದಿಗೂ  !!

ಸಂಜೆಯ ತಿಳಿಬಾನಿನಲ್ಲಿ ನಾ ಕಂಡೆ ನಿನ್ನ ಕನಸು 

ಪ್ರೀತಿಯ ಈ ಹೃದಯದಲ್ಲಿ ನೀನೆಂದು ಶಾಶ್ವತವಾಗಿ ನೆಲೆಸು 

ಕೇಳೆ ಹುಡುಗಿ, ನಿನ್ನ ಜೊತೆಗೆ ಇರುವೆ ಎಂದಿಗೂ ಎಂದೆಂದಿಗೂ !!

ಮಳೆಯಲಿ ನಿನ್ನ ಜೊತೆಗೆ ಕುಣಿಯುವ ಮನಸಾಗಿದೆ

ನಿನಗಾಗಿಯೇ ಬದುಕಿರುವೆ ಇಂದು ನಾನು 

ಕೇಳೆ ಹುಡುಗಿ, ನಿನ್ನ ಬಿಟ್ಟು ದೂರ ಹೋಗೋದಿಲ್ಲ ಎಂದಿಗೂ ಎಂದೆಂದಿಗೂ !!

ಚಂದ್ರನ ಬೆಳಕಿನಲ್ಲಿ ನಕ್ಷತ್ರವ ಎಣಿಸುವಾಸೆ ನನಗೆ 

ಕೈಯ ಹಿಡಿದು ಲೆಕ್ಕ ಸರಿ ಮಾಡಬೇಕು ನೀನು

ಕೇಳೆ ಹುಡುಗಿ, ಈ ಜೀವವು ನಿನಗಾಗಿಯೇ ಎಂದಿಗೂ ಎಂದೆಂದಿಗೂ !!